ENCONTRO COA DRAMATURGA CLARA GAYO NA BIBLIOTECA DE CANGAS

CITA COA DRAMATURXIA CONTEMPORÁNEA

A cita terá lugar este xoves 14 de novembroás 20.00 horas

O xoves 14 de novembro ás 20.00 horas terá lugar na Biblioteca Central de Cangas do Morrazo un encontro coa dramaturga Clara Gayo (Vigo, 1971) dentro do proxecto “Difusión da dramaturxia contemporánea”, que desde o ano pasado leva impulsando a Revista Galega de Teatro.

A cita ofrece a oportunidade de achegarse á obra de Clara Gayo así como a posibilidade de descubrir a súa concepción da escrita e os seus procesos creativos de traballos como Prohibido sufrir; Agorafobia. Parálise sobre o medo; Razóns de peso; Movidas ou A mirada de Pier.

O acto conta coa colaboración do Concello de Cangas e está enmarcado dentro do Plan Cultural da Deputación de Pontevedra.

Clara Gayo (esquerda) nunhaimaxe promocional da obra Queda terminantemente prohibido sufrir nas paredesxunto con Rocío González e Rula Blanco.

Moitas grazas a Fernando Epelde polo seu texto "Caixa negra" editado na RGT74

 Moitas grazas a Eva Gontad, Santiago G. Telmo, Mundo Sánchez, María Costas, Borja Fernández e ao propio Epelde pola lectura dramatizada que onte nos ofreceron o 25 de outubro no Liceo Mutante de Pontevedra. Grazas tamén ao Liceo Mutante polo espazo.

Santiago G. Telmo, Fernando Epelde e Eva Gontad.

O LICEO MUTANTE DE PONTEVEDRA ACOLLE A PRESENTACIÓN DE CAIXA NEGRA, DE FERNANDO EPELDE

O texto, editado pola RGT 74, abre unha dobre sesión de teatro que se completa coa montaxe JULIETAvirtual

O venres 25 de outubro terá lugar a presentación do texto de teatro radiofónico Caixa negra, de Fernando Epelde a partir das 20.00 horas. O acto contará coa colaboración dos actores Eva Gontad, Santiago G. Telmo, Mundo Sánchez, María Costas, Borja Fernández e o propio Epelde. A presentación abrirá unha dobre sesión teatral que continuará coa montaxe JULIETAvirtual, de Teatro Anómico.

Baseada no caso “A seita do Karate” e cun formato entre a radioficción e a escena, Caixa negra desenvólvese en torno a unha gravadora de audio , a auténtica “caixa negra” á que fai referencia o título. Deste xeito, toda a peza ha de afrontarse seguindo as indicacións que se inmiscen entre as palabras, pulsando as teclas de avance, pausa, parada, avance rápido e rebobinado.

Podes consultar o texto na web da RGT:

http://www.revistagalegateatro.com/wp-content/uploads/2013/08/caixa-negra-def-texto-de-fenando-epelde.PDF