A RGT PRESENTA EN CANGAS 2132, ILUSTRADA POR DIEGO BLANCO
O traballo é o resultado do IV Certame de Banda Deseñada sobre Teatro
Galego
 |
| portada 2132 |
A Revista Galega
de Teatro presenta o venres 20 de decembro ás 20.30 horas en A Taberna O Rincón
de Cangas a banda deseñada 2132, ilustrada por Diego Blanco López a partir do
texto homónimo de Roberto Vidal Bolaño.
O traballo é o
resultado do IV Certame de Banda Deseñada sobre o Teatro Galego. Diego Blanco
(Viveiro, 1981) foi o gañador do concurso que nas súas bases establecía
presentar nunha única páxina a súa visión sobre o terceiro capítulo do citado
texto teatral (editado no número 8 da Revista Galega de Teatro).
Ademais da
presentación dos exemplares, a presentación irá acompañada por unha exposición
do traballo que permanecerá até o día 2 de xaneiro en O Rincón.
A colección de
banda deseñada sobre teatro galego conta neste momento con catro traballos:
-Doentes, de Brais Rodríguez, a partir da
peza homónima de Roberto Vidal Bolaño (2009).
-Hámster, de Diego Campos, a partir da
peza homónima de Santiago Cortegoso (2010).
-Belicosario, de Juan Molina, a partir da
peza homónima de Manuel Lourenzo (2011).
-2132, de Diego Blanco, a partir da peza
homónima de Roberto Vidal Bolaño (2013).
